Home
દેશ-વિદેશ
અમેરિકાના 47માં રાષ્ટ્રપતિ બન્યા Donald Trump, ડેમોક્રેટિક પાર્ટીના Kamala Harrisને આપી હાર

અમેરિકાના 47માં રાષ્ટ્રપતિ બન્યા Donald Trump, ડેમોક્રેટિક પાર્ટીના Kamala Harrisને આપી હાર

06:25 PM November 06, 2024 Gujju News Channel

રિપબ્લિકન પાર્ટીના ઉમેદવાર ડોનાલ્ડ ટ્રમ્પ તેમના હરીફ ડેમોક્રેટિક ઉમેદવાર અને ઉપરાષ્ટ્રપતિ કમલા હેરિસને હરાવીને અમેરિકાના 47મા પ્રેસિડન્ટ બન્યાં છે.

Donald Trump Won The United States President Election : અમેરિકામાં યોજાયેલી રાષ્ટ્રપતિની ચૂંટણીના પરિણામો સ્પષ્ટ થઈ ગયા છે. રિપબ્લિકન પાર્ટીના ડોનાલ્ડ ટ્રમ્પે ચૂંટણી જીતી લીધી છે. ટ્રમ્પે ડેમોક્રેટિક પાર્ટીના કમલા હેરિસને હરાવ્યા છે. ટ્રમ્પ હવે અમેરિકાના 47માં રાષ્ટ્રપતિ તરીકે શપથ લેશે. આ બીજી વખત છે જ્યારે ટ્રમ્પ અમેરિકાના રાષ્ટ્રપતિ બનવા જઈ રહ્યા છે. રિપબ્‍લિકન પાર્ટીના ઉમેદવાર ડોનાલ્‍ડ ટ્રમ્‍પે ૨૭૦ ઈલેક્‍ટોરલ વોટનો બહુમતીનો આંકડો પાર કરી લીધો છે. જ્‍યારે કમલા હેરિસ હજુ પણ આ જાદુઈ વ્‍યક્‍તિથી દૂર છે. બપોરે ૧.૩૦ વાગ્‍યા સુધી કમલા હેરિસ ૨૨૬ વોટ પર રહ્યા જ્‍યારે ટ્રમ્‍પ ૨૭૭ વોટ પર પહોંચ્‍યા. ટ્રમ્‍પે બહુમતનો આંકડો પાર કર્યા બાદ અમેરિકન મીડિયાએ ડોનાલ્‍ડ ટ્રમ્‍પની જીતની જાહેરાત કરતા જ અમેરિકા સહિત સમગ્ર વિશ્વમાં ટ્રમ્‍પ સમર્થકોમાં ખુશીની લહેર જોવા મળી હતી.

► હવે અમેરિકામાં ફરીથી ટ્રમ્‍પ સરકાર બનશે

વોટિંગ પછી યુએસ -મુખપદની ચૂંટણીના વલણો બહુમત મેળવ્‍યા બાદ, ડોનાલ્‍ડ ટ્રમ્‍પે આ શાનદાર જીત માટે અમેરિકન લોકોનો આભાર માનવા માટે ફ્‌લોરિડામાં એક ભવ્‍ય કાર્યક્રમનું આયોજન કઅમેરિકી રાષ્‍ટ્રપતિની ચૂંટણીમાં માત્ર ૫ રાજ્‍યોમાં મતગણતરી બાકી છે. અત્‍યાર સુધીમાં ૪૫ રાજ્‍યોના પરિણામ આવી ચૂકયા છે. જેમાંથી ૨૭માં રિપબ્‍લિકન પાર્ટીના ડોનાલ્‍ડ ટ્રમ્‍પ અને ૧૮માં ડેમોક્રેટિક પાર્ટીના કમલા હેરિસનો વિજય થયો છે. એક રાજ્‍ય મૈને બંને પક્ષોને એક-એક સીટ મળી છે.

► ટ્રમ્પે અમેરિકન જનતા તેમજ એલોન મસ્કનો આભાર માન્યો

અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પની જીત લગભગ નિશ્ચિત છે. પરિણામોની વચ્ચે ટ્રમ્પે ફ્લોરિડામાં પોતાના સંબોધનમાં ઈલોન મસ્ક સહિત તેમની સમગ્ર ટીમનો આભાર માન્યો હતો. તેમણે પત્ની મેલાનિયા ટ્રમ્પનો પણ તેમના સમર્થન બદલ આભાર માન્યો હતો. આ દરમિયાન ટ્રમ્પે તેમના સમગ્ર પરિવાર અને સાસરિયાઓનો પણ ઉલ્લેખ કર્યો હતો. પરિણામોને ઐતિહાસિક ગણાવતા ટ્રમ્પે કહ્યું કે આ એવો સમય છે જ્યારે અમેરિકાને મલમની જરૂર છે. તેમણે કહ્યું કે અમેરિકામાં આ પ્રકારનું રાજકીય પરિવર્તન પહેલીવાર થયું છે. ટ્રમ્પે કહ્યું, ‘હું અમેરિકન જનતાનો આભાર માનું છું કે તેઓએ મને 47માં રાષ્ટ્રપતિ તરીકે ચૂંટ્યો છે. હું રોજ તારી લડાઈ લડતો રહીશ. હું દરેક શ્વાસ સાથે અમેરિકાના લોકો માટે લડીશ.

► 20 જાન્યુઆરીએ લેશે શપથ

ડોનાલ્ડ ટ્રમ્પ 20 જાન્યુઆરીએ અમેરિકાના 47મા પ્રેસિડન્ટ તરીકે શપથ લેશે ત્યાં સુધી હાલના પ્રેસિડન્ટ જો બાયડન સરકાર ચલાવશે.

► ટ્રમ્પ-કમલાને કેટલા વોટ મળ્યાં

ટ્રમ્પને 277 તો કમલા હેરિસને 244 ઈલેક્ટોરલ વોટ મળ્યા છે. ડોનાલ્ડ ટ્રમ્પ બીજી વખત અમેરિકાના રાષ્ટ્રપતિ બન્યા છે.

► નરેન્દ્ર મોદીએ આપી શુભેચ્છા

ડોનાલ્ડ ટ્રમ્પ ઇલેક્શન જીતતાની સાથે જ નરેન્દ્ર મોદીએ X પર તેમને શુભેચ્છા પાઠવી હતી. પોસ્ટમાં નરેન્દ્ર મોદીએ કહ્યું હતું કે, "મારા મિત્ર ડોનાલ્ડ ટ્રમ્પને તેની ઐતિહાસિક ઇલેક્શનની જીત માટે દિલથી શુભેચ્છા. તારી પહેલાની ટર્મમાં તે જે રીતે સફળતા દેખાડી હતી એ જ રીતે બીજી ટર્મમાં આપણે સાથે મળીને અમેરિકા-ઇન્ડિયાના સંબંધને વધુ બનાવવીએ એ માટે હું ઉત્સુક છું. આપણે બન્ને દેશ વચ્ચે વૈશ્વિક અને સ્ટ્રેટેજિક પાર્ટનરશિપ બનાવીશું એવી આશા રાખું છું. આપણે સાથે મળીને આપણાં લોકો માટે સારું ભવિષ્ય બનાવીશું, તેમ જ વિશ્વમાં શાંતિ, સ્થિરતા અને સમૃદ્ધિ આવે એ માટે કામ કરીશું."

► ટ્રમ્પની જીતથી રશિયાના રાષ્ટ્રપતિ નાખુશ!

રશિયાના રાષ્ટ્રપતિએ કહ્યું છે કે, ‘અમેરિકાના ફરી પ્રમુખપદે ચૂંટાવા બદલ હું ટ્રમ્પને અભિનંદન નહીં આપું. ક્રેમલિન તરફથી કહેવામાં આવ્યું છે કે, ‘અમે ટ્રમ્પની નીતિઓ જોયા બાદ જ તેમને અભિનંદન આપવાનું વિચારીશું. ટ્રમ્પના રાષ્ટ્રપતિ પદનું મૂલ્યાંકન તેમના યોગ્ય પગલાંઓના આધારે જ કરવામાં આવશે. અમે ટ્રમ્પને તેમના કાર્યોના આધારે પારખીશું.

► ઝેલેન્સકીએ ટ્રમ્પને પાઠવ્યા અભિનંદન

ટ્રમ્પની જીત અંગે યુક્રેનના રાષ્ટ્રપતિ વોલોડીમીર ઝેલેન્સકીનું પણ નિવેદન સામે આવ્યું છે. તેમણે ડોનાલ્ડ ટ્રમ્પને અભિનંદન પાઠવવાની સાથે યુક્રેનને વધુ સમર્થન આપવાની અપીલ પણ કરી છે. તેમણે કહ્યું છે કે, ‘અમે ટ્રમ્પના તે નિવેદનનું સમર્થન કરીએ છીએ, જેમાં તેમણે ‘તાકાતના દમ પર શાંતિ’ સ્થાપવાની વાત કહી હતી.